Audición 390. CAMERATA BRIGANTINA

Sábado 11 de marzo de 2017
20:15 horas.
Igrexa dos Escolapios

CAMERATA BRIGANTINA
Este proxecto do que hoxe é unha xoven orquestra de cámara, viu a luz pública o sábado 14 de abril do 2007 no que foi o seu concerto de presentación na Aula Municipal de Cultura do edificio Liceo (Betanzos).

Baixo a batuta do director Florian Vlashi, violinista da Orquestra Sinfónica de Galicia e director do Grupo Instrumental Século XX, a Camerata está formada por un grupo de instrumentistas principalmente da sección de corda. Ten como base o alumnado do Conservatorio Municipal de Música, o seu profesorado, ex-alumnado e componentes das Orquestras Xove e de Nenos da Sinfónica da Galicia, colaborando, en ocasións profesores da Sinfónica de Galicia creando así unha excelente escola orquestral para a mocidade.

O repertorio fórmase maiormente dos grandes mestres da música barroca e clásica mais tamén do romanticismo e do século XX sen esquecer a música española e galega clásica e contemporánea. Nas tempadas pasadas estreou obras dos compositores galegos Paulino Pereiro e Antón Vázquez Casas.

Á marxe dos habituais escenarios de concertos, a Camerata ofrece actuacións en escolas, centros da terceira idade, hospitais etc.

Fiel ao seu nome de orixe florentina (século XVI) e á súa filosofía da Italia renacentista, a Camerata Brigantina coida que a arte da música podería ser mellorada converténdose nunha forma de vida, e así a sociedade tamén melloraría.

Florian VLASHI, Concertino - Director

Violíns

Alma VILLAVERDE
Carla LÓPEZ
Cristina FREIRE
Despina IONESCU*


Violas

Noemi SEOANE
Laura CANDAME
Patricia CANDAME


Violoncelos

Rediana LUKAÇI*
Martín VLASHI
Marta DEL SOTO


Contrabaixo

Sergio CABEZA

*profesor instrumentista




PROGRAMA

Tomaso ALBINONI …...........……………………… Adagio in Sol minore

Arcangelo CORELLI …….… Concerto Grosso in Sol minore Op. 6 Nº 8

(Feito para a noite do nadal)

• I Vivace, Grave
• II Allegro III Adagio, Allegro, Adagio
• IV Vivace
• V Allegro
• VI Pastorale ad libitum

W. A. MOZART ........................................... Eine kleine Nachtmuik in G

(Pequena serenata nocturna)

• I Allegro
• II Romance, Andante
• III Menuetto
• IV Rondo