Audición 408-409. Zoar Ensemble. "Xogo de pillabáns"

 27 de novembro de 2018

12:00 Edificio multiúsos (para centros de ensino)

20:15 Casa da Cultura Poeta Lois Pereiro

Xogo de pillabáns é unha obra de teatro musical, baseada nunha Novela Ejemplar de Miguel de Cervantes Saavedra. Nesta produción os intérpretes actúan como os personaxes da historia interactuando co público.


A historia de Rinconete y Cortadillo narra as aventuras de dous mozos duns 15 anos, Pedro del Ricón e Diego Cortado, que se coñecen, na Venta del Molinillo, despois de escapar da casa na procura de cartos e liberdade. Xa en Sevilla, aínda que se estrean nunha nova e honrada profesión sendo mozos da esportilla, non logran abandonar o seu instinto pillabán e terminan por xuntarse á confraría de Monipodio, o mestre da golfeiría. O señor xastre, pai de Cortadillo, decide percorrer toda España de Norte a Sur na busca do seu fillo. Desexa con toda a súa alma que o rapaz regrese ao seu fogar e retome de novo unha vida de ben, afastada das malas compañas e dos astutos pero deshonrosos xogos de pillabáns.


A obra musical Juego de ladrones é unha suite na que o compositor quixo plasmar a esencia da obra de Cervantes, describindo ós personaxes e os lugares máis importantes da novela, deixando totalmente aberta a porta á imaxinación dos rapaces e rapazas que a vaian escoitar.

Descargar programa de man

MÚSICA ORIXINAL: Juego de ladrones de OSCAR NAVARRO

I.- La venta oscura

II.- Rinconete y Cortadillo

III.- Sevilla

Iv.-Juego de ladrones

V,. Monipodio

VI.- Gran final

INTÉRPRETES E ACTORES (ZOAR ENSEMBLE)

Frauta: JOAN IBAÑEZ

Óboe: DAVID VILLA

Clarinete: ANTONIO SUÁREZ

Trompa:: BENJAMÍN IGLESIAS

Fagot: ÁLEX SALGUEIRO

ADAPTACIÓN, GUIÓN, VESTIARIO E DIRECIÓN DE ESCEA

MALU  BALADO

DESCARGAR GUÍA DIDÁCTICA