Audición 448 : Paisaxes de Iberia (Zoar)

 Mércores, 2 de abril de 2025

Casa da cultura Poeta Lois Pereiro, 20:15 horas

Paisaxes de Iberia, Zoar

 

Zoar

É un conxunto de cámara estable e activo que traballa desde 2009. Creceu á procura dun estilo propio definido pola orixinalidade dos seus proxectos, un firme compromiso coa nova creación, a colaboración con outros artistas e a realización de proxectos pedagóxicos de calidade con vontade de achegar a súa actividade a todos os públicos.

Entre as colaboracións con outros artistas cabe destacar proxectos con Monicreques de Kukas, co escritor Manuel Rivas, ou o beatboxer Carlos Vidal

‘Lytos’ no proxecto Windbox. No 2014 foron convidados como solistas á Orquestra Gaos e no 2015 ao VintEnsemble.

O interese polo repertorio descoñecido, a recuperación do patrimonio musical esquecido e o compromiso coa nova creación levou ao conxunto a explorar máis aló do repertorio tradicional da música para conxuntos de ventos e a incorporar obras de compositores esquecidos, estreas de obras xa escritas pero nunca interpretadas ou gravadas, como neste caso Alevi dedeler raki masasinda do compositor e pianista turco Fazil Say,ou The Elephant and the Clown e A Fleur de Cayenne do recoñecido clarinetista Paquito d’Rivera. Ademais estrearon pezas de compositores como Gabriel Bussi, Juan Durán, José Luis Turina, Patrick van Deurzen así como encargos propios a Xabier Marino, Óscar Álvarez, Federico Mosquera, Fernando Buide, Óscar Navarro ou Carme Rodríguez. O número de arranxos e adaptacións realizados polos propios membros da formación excede os 30.

Actuaron nos principais escenarios galegos (o Teatro Colón, o Teatro Rosalía o Centro Ágora ou o Palacio da Ópera na Coruña, o Teatro Jofre de Ferrol, o Círculo das Artes de Lugo, o Liceo de Ourense, o CGAC e a Cidade da Cultura en Santiago de Compostela) participando en acontecementos culturais da importancia como a entrega dos Premios da Cultura Galega, en sucesivas edicións das Xornadas de Música Contemporánea de Santiago de Compostela, no LVI Festival de la Ópera da Coruña, no ciclo Enclave de Cámara de Ourense, no Ciclo de Outono do Museo de Belas Artes da Coruña, no Ciclo de Concertos Benéficos da Real Academia Galega de Belas Artes e nas tempadas das sociedades filarmónicas de Lugo, A Coruña e Vigo. Fóra de Galicia fixeron recitais no País Vasco, Cataluña, Castela e Portugal.

No 2016 foron finalistas nos III Premios ‘Martín Códax’ da Música. Foron convidados conxuntamente como profesores a encontros de orquestras xoves como a Orquestra Clásica de Xove e a Jove Orquestra Nacional de Cataluña así como a diversos cursos de verán, cabe destacar o curso anual Son As Pontes que realizan desde 2018.

En 2016 presentaron o seu primeiro cedé “Non vento” con música de Juan Durán publicado por Ouvirmos. En 2017 presentan unha dobre publicación, de cedé e partituras, coa integral da música do compositor betanceiro Carlos López García-Picos. 

 

Zoar está composto por cinco músicos:

Joan Ibáñez, frauta, coprincipal da Sinfónica de Galicia

David Villa, oboe, principal asistente da Sinfónica de Galicia

Antonio Suárez, clarinete, profesor do Conservatorio de Culleredo

Benjamín Iglesias, trompa, profesor do Conservatorio Superior da Coruña

Álex Salgueiro, fagot, coprincipal da Sinfónica de Galicia.

 

 PROGRAMA

Selección da Suite Iberia (1905 -1909) de Isaac Albéniz

(Adaptación de David Villa)

1.- Evocación

2.- O Porto

3.- Almería

4.- Triana

 5.- Albaicín

6.- O Polo

7.- Málaga

8.- Xerez

 

NOTAS.- O flamenco foi fonte de inspiración para moitos dos autores españois de música clásica desde finais do século XIX e estivo presente en obras cume da literatura musical española, especialmente a que é considerada como obra pianística española máis importante, a suite Iberia de Isaac Albéniz.

O programa de concerto que nos incumbe está formado por música do compositor catalán Isaac Albéniz (1860-1909), compositor que tivo influencias da música popular e do flamenco en toda a súa literatura.

A peza que vertebra o programa, o maxestosa suite para piano Iberia, escrita por Isaac Albéniz, foi composta entre 1905 e 1909 (data da morte do compositor), e é quizais a obra máis importante da literatura pianística española, así como unha das cimas da música para piano de todos os tempos.

A maioría das pezas que a forman beben dalgúns dos paus máis representativos do flamenco. Un dos piares fundamentais sobre os que se constrúe a traxectoria de Zoar é a procura de novo repertorio e a constante achega de novo material musical á formación de quinteto de vento mediante adaptacións. Así pois, neste concerto preséntase a adaptación que David Villa realizou da suite Iberia.

O concerto incorpora, mediante medios audiovisuais, imaxes que nos transportan a outros lugares que gardan relación coa música.

(Texto: Zoar)

Audición 447: Cine-concerto en Sober

Sábado 15 de marzo 2025, 19:00 horas.

Casa da Cultura de SOBER

CASPERVEK

Caspervek fundouse en 2013 polo pianista Brais González e o percusionista Blas Castañer, en febrero de 2014 o violinista Eduards Vecbastiks uniuse ao dúo nacendo Caspervek Trío. A formación de trío mantívose ata que en 2019 o grupo decide afastarse gradualmente da dita formación para empezar a incluír novos elementos e evolucionar cara a un ensamble modular segundo as necesidades de cada película, de dous a doce componentes. Tendo actuado en Galicia, España e feito xiras por diversos países europeos Dinamarca, Estonia, letonia, Hungría, etc.. Suliñar a súa participación na programación, máis dun ano, en Madrid no The Urban Beach Cinema, un dos maiores cinemas ao aire libre de España, onde ofreceu máis de dez películas mudas ante miles de persoas.

Ten así mesmo feito numerosos concertos didácticos.

Caspervek xunto coa plataforma Tolemias, pioneira na distribución de concertos en streaming, levan a bo fin o proxecto de integrar o cinema mudo coas novas tecnoloxías multiángulo.

SETE OPORTUNIDADES

O filme

Película de Buster Keaton de 1.925 (está baseada nun exitoso musical de Broadway escrita por Roi Cooper Megrue e producida por David Belasco, sendo outro éxito de taquilla para Keaton, recadando 598.288 dólares), na que Jimmy Shannon (B. Keaton) é o socio junior da empresa de corredores de bolsa Meekin e Shannon, que está ao bordo da ruína financeira. Un avogado (ao que esquivaron, crendo erroneamente que trataba de aumentar os seus males) consegue finalmente informar a Jimmy dos termos do testamento do seu avó: herdará sete millóns de dólares se casa antes das 19:00 horas do seu 27º aniversario, que resulta ser ese mesmo día...

A banda sonora

"Seven Chances" foi a primeira banda sonora para as películas de Buster Keaton realizada por Caspervek, escrita exprofeso en 2015 para The Urban Beach Cinema, un dos maiores festivais de cinema ao aire libre de España. A banda sonora definiu o estilo posterior que o grupo seguiría utilizando para compoñer comedias de “slapstick”, cunha mestura de jazz clásico, swing e o minimalismo característico do conxunto.

 

 

Audición 446: A frauta e a arpa en Galicia

Mércores, 12 de marzo ás 20:15 h. 

Casa da Cultura – Poeta Lois Pereiro

 

 

FERNANDO RAÑA …………………………… Frauta

Nace en Pontesampaio (Pontevedra) en 1970. A moi curta idade inicia o seu contacto coa música e pronto centra o seu interese na frauta traveseira, motivo polo que se traslada a Madrid onde remata os estudos no Conservatorio Superior de dita cidade coas máximas calificacións (1988). Posteriormente estuda con Magdalena Martínez, profesora coa que conseguirá o Performers Diplomation da Guilhald School de Londres. Como complemento a súa formación tamén recibe clases maxistrais dos máis prestixiosos profesores.

Foi premiado en varias ocasións e en 1993 recibe unha beca do Festival Internacional de Música e Danza Manuel de Falla de Granada.

Ten colaborado con orquestras nacionais e extranxeiras, actuado baixo a máis dintiguidas batutas en

Ten gravados varios CD’s o último “A frauta e a arpa en Galicia” é, precisamente, o que contén o programa deste concerto.

En 1992 aproba a oposición ao corpo de profesores de conservatorio do MEC, sendo na actualidade catedrático do Conservatorio Superior de Música de Vigo e invitado a impartir cursos de perfeccionamento e ofrecer recitais coma solista en salas e conservatorios de Suiza, Italia, Portugal, Lituania, Paises Baixos, Bélxica, Serbia, Montenegro, Albania ou Turquía.

No eido da investigación destacar o traballo realizado sobre a obra para frauta do compositor catalán Salvador Brotons o que lle valeu en 2018 o título de “Master de Teatro e Artes e Escénicas de Galicia” pola Universidade de Vigo.

ALBA BARREIRO …………………………………. Arpa

Nada en Vigo, os seus inicios musicais tiveron lugar tomando contacto coas súas raíces galegas a través do baile galego e a pandeireta, na Escola de Lembranzas Galegas de Vigo. Posteriormente, comezou os estudios de piano e un ano máis tarde ingresou na ETRAD na especialidade de arpa celta con Rodrigo Romaní. Pouco despois entrou na Orquestra Folk Sondeseu, participando no Festival de Ortigueira ós 15 anos. Con esta formación tivo unha longa traxectoria que a levou a participar en numerosos concertos, festivais internacionais e varios traballos discográficos.

Con 17 anos, ó rematar na ETRAD, iniciou os estudos de arpa clásica con Céline Landelle, arpista da OSG (Orquestra Sinfónica de Galicia). Entrou pouco tempo despois na OJSG (Orquesta Joven de Galicia) onde tomou o seu primeiro contacto co repertorio sinfónico. Formou parte desta orquestra durante varios anos como arpista principal. Máis adiante completaría os seus estudos superiores de arpa en Musikene (Conservatorio Superior de Música do País Vasco) coas arpistas Frédérique Cambreling, Christine Icart e Elisabeth Colard.

Como solista estreou a obra Pórtico da Illa de Monteagudo para arpa e orquestra de Juan Durán. Coa Real Filharmonía de Galicia en 2011 gravou, esta mesma obra, no traballo Atlantic Waters, actuando como solista na tempada 2022-2023. Colabora como solista con otras orquestras e comparte escenario con conxuntos e artistas de diversos estilos. Participando en distintos festivais

PROGRAMA

1.- Preludio, Alborada e Pandeirada (2023) J. Trillo (1942)
2.- Cels acolorits, Op. 134 (2015) S. Brotons (1959) 

    I.- Ennuvolat II.- Estrellat III.- Blau IV.- Tempestuos

3.- Sakura Sakura (2022) G. Bussi (1975) 

4.- Catro pezas galegas para frauta e harpa (2023) J. Durán (1960)
    I.- Cantiga de Marín II.- Fuches ti III.- Camariñas IV.- Quer que lle quer

Audición 445: Orquesta Clásica de Vigo

Venres 3 de Xaneiro de 2025

20:15 horas, Edificio Multiusos

Patrocinado polo Concello de Monforte de Lemos

Entrada de balde

Orquestra Clásica de Vigo. 40 aniversario

A Orquestra Clásica de Vigo, decana de Galicia, é unha formación de música clásica que aposta pola innovación, os novos formatos e o traballo entre disciplinas, espazos e estilos.

Nos 40 anos de historia da entidade, as obras interpretadas superan as 500, sendo isto un exemplo de aposta pola diversidade na música. Nos últimos anos realizou propostas de danza, cinema en directo, bandas sonoras, propostas actuais e obras consagradas.

Polos seus atrís pasaron máis de 800 instrumentistas de toda Galicia, con máis de 160 solistas.

A Orquestra Clásica de Vigo non entende de estilos ou etiquetas na súa programación, que se entende como unha oportunidade para explorar a riqueza do patrimonio musical e atraer a públicos distintos aos da música clásica tradicional.

PROGRAMA

1.- F.J. Haydn ___ OBERTURA en Re mayor, Hob. Ia: 7

2.- P. I. Tchaikovsky ___ O LAGO DOS CISNES – Suite Op. 20 (selección)

I.- Vals II.- Danza dos cisnes III.- Danza Española IV.- Mazurca

3.- Josef Strauss ___ SPORT – Polca, Op. 170

4.- Johann Strauss ___ INDIGO – Marcha, Op. 349
5.- F. Chueca ___ PASARÚAS DOS BARQUILLEIROS - de “Agua, Azucarillos y Aguardiente”
6.- T. Bretón ___ SEGUIDILLAS - de “La Verbena de la Paloma”
7.- R. Soutullo ___ REDONDELA – Pasodoble


DIRIXE: MANUEL MARTÍNEZ ÁLVAREZ-NAVA

Audición 444: Concerto Lírico

Luns 23 de decembro de 2024, ás 20:15 h.

Casa da Cultura Poeta Lois Pereiro

Emilia Pérez, soprano natural do Carballiño, actualmente estuda na Universidade das Artes de Zurich baixo a tutela da soprano Martina Menzi-Janková. Anteriormente, completou a súa formación superior de canto no Conservatorio Superior de Música de Vigo xunto ao tenor José Antonio Campo.
Foi galardoada en dúas ocasións no concurso Mirna Lacambra, en 2021 e 2022, o que lle permitiu debutar nos roles de Berta e Donna Anna, respectivamente, acompañada pola Orquestra Simfònica del Vallés e baixo a dirección de Daniel Gil de Tejada. Ademais, presentouse en recitais para a temporada dos Amigos da Ópera de Vigo, dentro do Outono Lírico 2022 no ciclo Novas Voces da Lírica Galega, e recentemente colaborou coa Real Filharmonía de Galicia no recital Nuevas Voces Gallegas, dirixido por Diego Martín-Etxebarria.
Entre outros recoñecementos, obtivo o primeiro premio no IV Concurso Nacional de Canto Ciudad de Albacete e foi galardoada co Premio Andrés Gaos á mellor voz galega no V Concurso de Canto “Compostela Lírica”. Ademais, participou no programa para novos cantantes da Fundación Amigos do Teatro Real, onde recibiu formación e clases maxistrais de artistas como Sabina Puértolas ou Leigh Melrose. Tamén ten colaborado en numerosos proxectos coa compañía de Leonor Gago, e na
actualidade participa no programa de becas da Fundación Ópera Actual.



Nado no ano 2000, Lucas López é graduado superior en piano e canto polo Conservatorio Superior de Música de Vigo. Actualmente continúa os seus estudos de canto na Zürcher Hochschule der Künste (Suiza) baixo a tutela do tenor Werner Güra.
Obtivo o 1º premio no VIII Concurso de Solistas del CSMVigo. Tamén foi gañador das XXIV e XXV edicións do Concurso Mirna Lacambra, debutando así na temporada de Òpera a Catalunya. Recentemente acadou o Premio Andrés Gaos no VI Concurso de Canto Compostela Lírica, así como diferentes galardóns no XVI Concours International de la Mélodie de Gordes.
Formou parte da Ton Koopman Academy en Den Haag, Holanda, ademaais de ser membro da Bachcelona Akademie. Participou en ciclos de concertos como o International M.K. Festival Ciurlionis en Palanga (Lituania), “Música para una época” do Museo de Belas Artes de A Coruña; “Músicas abertas”, da Banda Municipal de Santiago de Compostela; ou “Novas voces galegas”, de Amigos da Ópera de A Coruña. Protagonizou producións de Die Zabuberflöte, Il barbiere di Siviglia, The telephone, Il segreto di Susanna, Dido and Aeneas o Carmina Burana, entre outros títulos.
Como pianista acadou as seguintes distincións: Mención de honra na V Mostra Musical Eixo Atlántico (2016); 2º premio Concurso de Piano da Sociedad Artística Ferrolana (2017); 2º premio XIX Concurso-Festival Internacional “Music without Limits”, Druskininkai, Lituania (2019). No campo da música de cámara, foi premiado en diferentes edicións do Concurso de Cámara do CSMVigo.

Programa

 

Amy Beach (1867-1994): Three Browning Songs op.44 (1899)

I. The Year’s at the Spring
II. Ah Love, but a Day
III. I Send My Heart up to Thee

Alban Berg (1885-1935), de Sieben frühe Lieder (1905-8)

I. Nacht

Francis Poulenc (1899-1963): Tel jour telle nuit FP86 (1936-7)

I. Bonne journée
II. Une ruine coquille vide
III. Le front comme un drapeau perdu
IV. Une roulotte couverte en tuiles
V. À toutes brides
VI. Une herbe pauvre
VII. Je n’ai envie que de t’aimer
VIII. Figure de force brûlante et farouche
IX. Nous avons fait la nuit

            ---------

W. A. Mozart (1756-1791), de Le nozze di Figaro (1786)

Aria de Contessa: “Porgi amor, qualche ristoro”

Enrique Granados (1867-1916): de Goyescas (1915)

Aria de Rosario: “La maja y el ruiseñor”

Erich Wolfrang Korngold (1897-1957): de Die tote Stadt (1919)

Aria de Marietta: “Glück, das mir verblieb”

André Previn (1929-2019), de A Streetcar Named Desire (1998)

Aria de Blanche: “I want magic”

Audición 443. Concerto de Piano, Manuel Gutiérrez

20 de novembro, 20:15 horas.

Casa da Cultura Poeta Lois Pereiro

Concerto de Piano. Manuel Gutiérrez.

Manuel Gutiérrez Iglesias (Ferrol, 1963)
Comeza estudos de piano aos 12 anos no Conservatorio Profesional da Coruña, que abandona para formarse como músico de Jazz. Neste ámbito, fórmase asistindo a clases particulares, clases mestras, e seminarios, con músicos como: Antonio Peña, Bill Dobbins, Dave Schietter, Barry Harris, Taller de Músicos de Madrid etc.
 

 Comeza a súa experiencia como músico de Jazz con Unión Costa Oeste e Tandem, grupos da súa cidade natal. Entre 1988 e 1993 reside en Mallorca, onde toca con Jazztá, Sausalito Jazz Band, o seu propio trío, Salvador Font Quinteto etc. Ademais, traballa como músico de sesión, frecuentemente co produtor Joan Bibiloni.

Desde 1994 reside en Galicia, onde leva a cabo infinidade de proxectos. No ámbito jazzístico, realiza gravacións e concertos con Terela Gradín, Roberto Somoza, Marcelino Galán, Marcos Pin, Paula Parker, e sobre todo co trío Sumrrá, co que ademais de gravar 7 discos, tocou en diversos países de Europa, Asia, África e América.

Ademais gravou e tocou tamén con músicos doutros ámbitos, como Víctor Aneiros, Emilio Cao, Maite Dono, Rosa Cedrón, Nastasia Zürcher, e un longo etc.

Foi dobremente premiado, con Sumrrá e con Manuel Gutiérrez Trío, pola asociación profesional de músicos de Galicia Músicas ao Vivo (Premios Martín Códax).

É tamén profesor de piano e combo en Estudo Escola De Música.

 

PROGRAMA

NORTE.- Este disco está gravado desde a liberdade. Música que procede do interior, da experiencia vital, das músicas escoitadas, intensamente gozadas, ao longo do tempo, de todos os traballos realizados como músico durante anos. Tocar a piano só outorga unha liberdade total; como contrapartida, implica que todo procede dun mesmo, sen a axuda dos teus compañeiros, un gran reto para min, pero un reto ilusionante, intenso, longamente desexado, e por fin levado a cabo con este traballo.

Norte, evidentemente, alude á miña xeografía, ao mar bravío, aos invernos fríos e chuviosos, aos veráns ao sol con olor a salitre. Pero tamén a un obxectivo, un punto de referencia, para non desviarse daquilo que nos empuxou a seguir o noso camiño.

Neste álbum, conviven improvisacións non planificadas, temas con desenvolvementos improvisados, e composicións sen improvisación. É un acto creativo, un deixar que flúa a música que habita en min, e compartila. 

1.- Na noite, nas ondas

2.- Leda

3.- Improvisación # 1

4.- Continuo

5.- Na soleira

6.- Escintileos (flashback)

7.- Improvisación # 2

8.- Illa tenra

9.- A cor das mapoulas

Audición 442: Integral das sonatas de Beethoven.

 Martes 22 de outubro de 2024

20:15 horas, Casa da Cultura Poeta Lois Pereiro

DAMIÁN HERNÁNDEZ ………Piano

Definido como”Excellent pianist” e “Perfect Colaborator” por The Strad e The Clarinet respectivamente, é un pianista de gran versatilidade que compaxina a súa faceta como solista, coa camerística e de repertorista.

Formado principalmente con Albert Attenelle e Imre Rohmann , obtivo diferentes galardóns entre os que destacan o primeiro premio na 10ª Mostra de Música Jove de Barcelona e o segundo posto no 7º Concurso Infanta Cristina de Madrid.

Toca xunto a solistas de gran prestixio como os violinistas Nancy Zhou ou Jesús Reina, o clarinetista Carlos Casadó , a violista Kyoungmin Park (Berliner Philarmoniker) ou os violonchelistas Rafael Rosenfeld, Norbert Anger, Johannes Krebs e un longo etc. Actuou como solista coas Sinfónicas de Venstpils (Letonia), León, Xixón, Oviedo Filharmonía, Orquestra do festival de Gaia-Porto, Nova Orquestra Leonesa, interpretando os concertos de Grieg, Scriabin, Mozart nº 27, Chopin nº 1, Brahms nº 2, Rachmaninoff nº 2 e “Emperador” de Beethoven, sendo dirixido por Oliver Díaz, Dorel Murgu, Francisco Valero, Miguel Salmón etc.

Colabora cun gran número de entidades musicais e culturais, como as Fundacións Princesa de Asturias, Botín, CelloLeón-Universidade de León, Universidade de Oviedo, Concurso “Soncello “ da Coruña, Concurso de cordas AGIC de Vigo, Concurso de cordas de Llanes, OSPA , OSG etc. e foi profesor repertorista de cordas no Conservatorio Superior de Oviedo e na ESMAE (Escola Superior de Música e Artes do Espectáculo de Porto) entre outras institucións académicas

JORGE MONTES …………… Violín

Nacido na Coruña en 1982, finaliza os seus estudos musicais con matrícula de honra e premio extraordinario no conservatorio da súa cidade baixo a tutela de Gimeno e no ano 2001, bolseiro pola Deputación da Coruña, estuda violín e música de cámara con Keiko Wataya e Charles-André Linale na Hogeschool voor deKunsten Utrecht, Holanda. Bolseiro da Accademia Musicale Chigiana, amplía a súa formación con Giuliano Carmignola en Siena, Italia. Recibiu tamén clases de violín de Jennifer Gilbert, Milan Vitek, Gordan Nikolitch, Michael Gilbert, Yoko Takebe, Alexander Kerr, Olga Vilkomirskaia e N. Chumachenco, entre outros; e de dirección de orquestra de Alan Gilbert, James Ross e Naoto Otomo.

Ofreceu numerosos concertos en España, Holanda, Portugal, Francia, Alemaña, Bélxica, Ucraína, Polonia, Italia, Xapón, Arxentina, Chile, Uruguai, Brasil etc., no marco dos máis importantes festivais, destacando a súa actividade como solista e músico de cámara. O seu interese pola música contemporánea lévalle a traballar e estrear música de compositores como Fernando Buide, José María Sánchez-Verdú, David do Porto, Eduardo Soutullo, W. Rosinskij, E. Vadillo ou Cristóbal Halfter, entre outros, como membro fundador do Ensemble S21 e de Música Práctica. Formado tamén como violinista barroco, é membro do cuarteto Alicerce, así como do grupo de música antiga Ars Combinatoria. Membro da OJSG e da JONDE, colabora desde o ano 2000 coa Orquestra Sinfónica de Galicia, a Real Filharmonía de Galicia e coa Orquestra Sinfónica de Castela e León, entre outras.

Foi profesor da Orquestra Nova da Sinfónica de Galicia, da Orquestra Nova de Castela e León, da Nova Orquestra Galega dás Artes, da Academia Contemporánea do festival Via Stellae, do curso Verán Musical en Teruel e Madrid, e participa, desde a súa creación, como director do Curso de Orquestra para Nenos na Escola de Altos Estudos Musicais da Real Filharmonía de Galicia.

Asesora a numerosas orquestras españolas na creación dos seus proxectos educativos. Na actualidade é profesor de violín e orquestra no Conservatorio Profesional de Música da Coruña así como director da Orquestra Infantil da Sinfónica de Galicia desde a súa creación no ano 2010. 

 

INTEGRAL DAS SONATAS PARA PIANO E VIOLÍN

LUDWIG van BEETHOVEN - PROGRAMA II

 

PROGRAMA III.- SONATA 1, OP 2 nº1 en fa menor : I.- Allegro; II.- Adagio; III.- Menuetto. Allegretto; IV.- Prestissimo

II.- SONATA 2, OP 2 nº2 en la mayor : I.- Allegro vivace; II.- Largo appassionato; III.- Scherzo. Allegretto; IV.- Rondo. Graziosso

III.- SONATA 5, OP 10 nº1 en do menor : I.- Allegro molto e con brio; II.- Adagio molto; III.- Finale. Prestissimo