Recital de Clarinete: Fernando Estévez Rodríguez

Organiza: Excmo. Concello de Monforte

Colabora: Sociedad Filarmónica de Monforte

Biogafía:

Fernando Estévez Rodríguez nace en Quiroga. Comeza os seus estudos musicais de gaita á idade de 6 anos da man de seus pais, ingresando ao ano seguinte no Conservatorio Municipal “Mestre Ibáñez” de Monforte de Lemos, onde cursa Grao Profesional na especialidade de clarinete co profesor Fernando Sanmartino, acadando o Premio Extraordinario Fin de Grao. No 2011 accede ao Conservatorio Superior de Música de Vigo onde estuda co profesor Asterio Leiva Piñeiro. Durante a súa formación ten recibido clases en diversos cursos e masterclass con clarinetistas, como Dario Mariño Varela, Rocco Parisi, Lorenzo Guzzoni, Venancio Rius Martí e Arno Peters. Recibiu tamén clases de Música de Cámara cos mestres Roberto Noche, Francisco Perez e Fernando Raña. No ano 2015 accede á especialidade de IMTP (Instrumentos da Música Tradicional Popular) no Conservatorio Superior de Vigo. Actualmente imparte clases de música en diversas asociacións e é o director da Coral Polifónica da Escola de Música “Samoeiro” de Pobra de Brollón.

Interpretes:

Fernando Estévez Rodríguez: clarinete

Miguel Valls: piano

Programa

Introdución, Tema e Variacións………………..……...……….Gioachino Rossini

In Freundschaft………………………………………….…Karlheinz Stockhausen

Fantasie……………………………………………………………….Jörg Widmann

Audición 385. Debutantes Conservatorio Mestre Ibáñez

CONSERVATORIO PROFESIONAL DE MÚSICA

“MESTRE IBÁÑEZ”

O conservatorio profesional de música “Mestre Ibáñez”, dependente do Concello de Monforte de Lemos, inicia a súa andaina no eido da educación musical alá por outubro do ano 2000, polo que despois do verán e a principio do próximo curso, este conservatorio cumprirá 16 anos. Podemos decir que aínda que se trata de un conservatorio municipal, o seu ámbito é claramente comarcal, non en balde fórmanse nel alumnos de tódolos Concellos limítrofes con Monforte, así como da zona de Sarria, Chantada, Valdeorras e incluso O Bierzo.

O centro conta con 10 profesores e no actual curso 2015/16 encontranse matriculados no conservatorio 138 alumnos nas distintas especialidades.

Dende a súa apertura ata data actual, un total de 542 alumnos recibiron formación académica neste centro.

O conservatorio municipal de Monforte réxese a nivel educativo pola lei orgánica 2/2006, así como polos decretos 198/2007 e 203/2007 de ámbito autonómico e nel pódese acadar o certificado de grao elemental e o título de grao profesional en música.

Actualmente neste centro pódense estudar as especialidades de Piano, Violín, Viola, Guitarra, Clarinete, Frauta, Saxofón, Trompeta, Trombón, Tuba, Bombardino e Percusión.


PROGRAMA:

1.”AGUA E VINHO” E. GISMONTI
María Guedella e Andrés Campanario (guitarras)

2. “TRÍO DE FRAUTAS” (Bodas de Fígaro) W.A. MOZART
Aldara Pérez, Marta Soares, Sara Marcos (frautas), Paula López (piano)

3. “HUMORESKE, Nº7” A. DVORÀK
Patricia García, Sara Blanco, Antía Vila (clarinetes), Aldara Pérez (piano)

4. “MUSIC 4 FILM” B.S.O

Aldara Otero, Héctor Martínez, Miguel Álvarez, Antonio García, David Marcos, Mauro Vázquez, Jose Luis Casas (vento metal e corda)


5. “CONCERTO EN Re m” Ch. A. de BERIOT
Héctor Martínez (violín), Maria Jesús Santalla (piano)

6. “CONCERTO(1º Mov.)” R. BING
Lucía Amaro (saxofón), Paula López (piano)

7. “TANGO POR UNA CABEZA” C. GARDEL
Aldara Otero, Héctor Martínez, Carla López, Uxía Casabianca, Miguel Álvarez (violíns), Lucas López (piano)

8. “SIDE BY SIDE” R. KITAZUME
Santiago García (multipercusión)

9. “ TOCCATA” KACIATURIAN
Lucas López López (piano)

10. “OBERTURA” (Cosi Fan Tutte) W.A. MOZART
Grupo Instrumental

Audición 384. Real Filharmonía de Galicia

Sábado 7 de Maio de 2016 ás 18,00 h.

Igrexa dos P.P. Escolapios

REAL FILHARMONÍA DE GALICIA

CONCERTINO-DIRECTOR, JAMES DALGHREN

JAVIER SIMÓ, RAMÓN LLÁTSER e DIEGO ARAGÓN, TROMPETAS

Cincuenta músicos de diferentes nacionalidades achegan cada temporada a súa experiencia, formación, tradición musical, esforzo e ilusión para ofrecer ao público propostas sorprendentes. Coa orquestra colaboran de maneira habitual directores e solistas de recoñecido prestixio nacional e internacional, apostando por figuras consagradas e tamén por novos músicos que brillan no panorama musical. O seu director titular e artístico é o mestre Paul Daniel, Maximino Zumalave é o seu director asociado e Christoph König o principal director convidado. Xestionada polo Consorcio de Santiago, nace en 1996 promovida pola Xunta de Galicia e ten a súa sede permanente no Auditorio de Galicia.

James Dahlgren  Director e Concertino

Concertino Honorario da Orquestra Nacional de Oporto, estudou con Zaven Melikian no Conservatorio de San Francisco. Logo de traballar durante cinco anos coa Orquestra da Ópera de San Francisco, aceptou o posto de concertino na Orquestra Metropolitana de Lisboa e máis tarde o de concertino asociado na Orquesta Ciudad de Granada. Tras chegar a Europa, traballou tamén como concertino invitado da London Philharmonic Orchestra, Royal Liverpool Philharmonic Orchestra e a New Zealand Symphony Orchestra, entre outras. Foi premiado no concurso internacional María Canals en Barcelona. É profesor de violín na Escola de Altos Estudos Musicais, en Santiago de Compostela, e ocupa o posto de concertino da Real Filharmonía de Galicia dende o ano 2005.

Javier Simó   Trompeta

Realiza os seus estudos no Conservatorio Superior de Valencia con Leopoldo Vidal, obtendo o Premio Extraordinario de Fin de Carreira. Prosegue a súa formación na Academia de Trompeta de Bremen (Alemaña) con Bo Nilsson, Pierre Thibaud e Thomas Stevens; e en Malmö (Suecia) con Hakan Hardenberger. Foi trompeta solista da Philarmonie deas Schleswig-Holstein Festival Orchester e colaboroum entre outras, coa Orquestra do Palau de lles Arts de Valencia baixo a dirección de L. Maazel. Profesor en excedencia do Conservatorio Profesional de Santiago de Compostela, na actualidade é profesor asistente do Centro Superior de Música do País Vasco “Musikene”. É o trompetista principal da Real Filharmonía de Galicia

Ramón Llátser   Trompeta

Natural de Traiguera (Castellón), remata os estudos de trompeta no Conservatorio Superior de Música de Valencia coas máis altas cualificacións, ademais de obter o Premio de Honra Final de Carreira. Continúa a súa formación na Musikhögskolan i Malmö (Universidade de Lunds, Suecia) con Bo Nilsson e Hakan Hardenberger. Recibiu consellos de grandes trompetistas como Javier Simó, José Ibáñez, Luis González, Pierre Thibaud, Lepoldo Vidal, Tom Stevens e Max Sommerhalder, entre outros. Colaborou con orquestras como a Orquesta de Castilla y León, Orquesta Sinfónica del Principado de Asturias, Sinfónica de Madrid e Orquesta Ciudad de Granada. Ademais, realiza un importante labor camerístico con diversas agrupacións como o Taller Atlántico Contemporáneo, Galicia Brass ou Barcelona Brass Ensemble. Dende 2001 é trompeta coprincipal na Real Filharmonía de Galicia

Diego Aragón   Trompeta

Nace en Corella (Navarra). Aos oito anos comeza os seus estudos de trompeta na Escola de Música de Corella e ingresa na banda municipal. Remata a súa formación no Conservatorio Superior de Música do País Vasco “Musikene” cos profesores Luis González, Javier Simó e Pacho Flores. No transcurso da súa formación recibe os premios de interpretación Fernando Remacha (Conservatorio Fernando Remacha, Tudela), Fermín Gurbindo (Conservatorio Profesional de Música de La Rioja), o premio á mellor interpretación da obra obrigada do Concurso ALNAFIR de Córdoba e o primeiro premio ex aequo do concurso permanente de Xuventudes Musicais de España. Na actualidade compaxina os seus estudos na Escola de Altos Estudos Musicais (Santiago) coa práctica en orquestras profesionais como a Orquestra do Liceo e a Orquestra Sinfónica de Bilbao, entre outras.

PROGRAMA  (pdf) 

I

1.- Marcha para tres trompetas ……………………...…. C.Ph.E. Bach

2.- Sinfonía nº 2 para cordas en Re M ………..……. F. Mendelssohn

• I.- Allegro 
• II.- Andante
• III.- Allegro vivace

3.- Sonata en Re …..…………………………………… P. Franceschini

• I.- Tumba
• II.-  2. AllegroAllegro
• III.- 3. AdagioAdagio
• IV.- 4. AllegroAllegro

4.- Fanfarria para St. Edmumdsbury ………………...…….… B. Britten

II

5.- Suite Holberg, op. 40 …………..…………………..……….. E. Grieg

• I.- Preludio
• II.- Sarabanda
• III,. Gavota  
• IV.- Andante
• V.- Rigodón

6.- Duas Melodías, op. 53 …………………………..………...… E. Grieg

Audición 383. Rosa Cedrón

Venres 15 de Abril de 2016 ás 20:15 h.

Casa da Cultura Poeta Lois Pereiro

Escoita a entrevista a Rosa Cedrón na Radio Principal Cadena Ser de Monforte

 

Miguel Arthus

Miguel Arthus (1991) é un compositor, pianista e cantante coruñés. Cursou estudos de piano no Conservatorio Profesional de A Coruña. Desde principios do 2015, acompaña a Rosa Cedrón en directo, con quen tocou en festivais como Les Goûts de Gand ou o Festival Interceltique de Lorient. Colabora asimesmo como teclista, compositor e corista no seu segundo álbum "Nada que perder".
No terreo vocal, participou nos Coros Universitarios de Salamanca, Vigo e A Coruña, así como na Chorale Voix Si Voix Là en El Havre. Actualmente, forma parte do Coro Gaos, dirixido por Fernando Briones, co cal representou as óperas Il trovatore y L'elisir d'amore.

Javier Cedrón

Comeza os seus estudos musicais a idade de 6 anos. Con 9 ingresa no Conservatorio Superior de Música de A Coruña onde obtén o seu título con 18, e con 19 gaña a praza de Profesor de Violín titular en dito conservatorio por Concurso-Oposición. Paralelamente á súa labor docente que se estende ao longo dos últimos 20 anos, desenrola unha ampla actividade concertística que se reparte entre o ámbito da Música Clásica, tradicional e moderna formando parte de numerosas agrupacións e colaborando con outras moitas. Cabe salientar a súa pertenza á Orquesta Municipal de A Coruña (1989-91), Orquesta de Cámara Galega (1995-2003, coa que edita traballo discográfico estreando como solista o concerto “Arcaico” de R. Groba), e na actualidade como concertino da Orquesta Gaos (2010-16), coa cal tamén edita traballo discográfico. Formou parte do grupo Luar na Lubre (1996-2000) nos seus traballos “Plenilunio” y “Cabo do Mundo”, do proxecto de música de raíz “Ball Cans” (2001-02), tamén con traballo discográfico, da compañía “Nova Galega de Danza” (2003-2004) no espectáculo “Alento”, tamén editado, e do grupo de Tangos e música de raíz “Tempo Catro” (2009-16) co que editou “Os ollos que falan”. Na actualidade traballa con Rosa Cedrón (desde 2007) e participou nos seus dous discos “Entre Dous Mares” e “Nada que perder”. Realizou colaboracións discográficas con Susana Seivane, Rodrigo Romaní, Uxía, Pepe Vaamonde, Sés e moitos outros artistas do ámbito folk-pop-rock. Compartiu escenario con grandes figuras internacionais

Rosa Cedrón

Nace en Monforte de Lemos no seo dunha familia onde a música é o día a día. A moi temprana idade desprázase a vivir a A Coruña onde con 8 anos comeza os seus estudos de música no Conservatorio. O violonchelo convertese desde entón no seu inseparable compañeiro de viaxe.

Tras pertencer á Orquesta de Cámara Municipal, á Banda Municipal e a diversas agrupacións de cámara da cidade de A Coruña, obtén praza como profesora de violonchelo no conservatorio de Ferrol. Aos poucos meses de ingresar, abandona o conservatorio para iniciar a que fora a súa primeira grande xira con Luar na Lubre e a súa primeira colaboración internacional da man do músico británico Mike Oldfield.

A partir de aquí, dedicarase en corpo e alma as súas dúas grandes paixóns, cantar e tocar o violonchelo, o que lle levará a subirse a escenarios de medio mundo.

No 2005 arranca a suá carreira en solitario e dedícase a composición dos seus propios temas. No 2007 será cando publique o seu primeiro traballo en solitario "Entre dous mares". Desde entón colaborou en innumerables proxectos tanto propios como doutros artistas. Cabe salientar o "Soas" con Cristina Pato ou o "Cantando a Galicia" con Paco Lodeiro e Sito Sedes.

Na actualidade acaba de publicar o seu segundo álbum "Nada que perder", con unha gran acollida tanto de público como de crítica especializada.

Programa

1. Romeiro ao Lonxe. Tradicional

2. Macedonia. Tradicional

3. Valse da Tola. Rosa Cedrón/Yolanda Castaño

4. Máis Amor. Rosa Cedrón/Yolanda Castaño

5. Se nos deixan. Rosa Cedrón/Yolanda Castaño

6. Romance de Mirabela. Rosa Cedrón/Alba Felpete

7. Danza das Gaivotas. Rosa Cedrón

8. Tus sueños. Rosa Cedrón/Alba Felpete

9. Unha e outra vez. Cindy Lauper/Robert Andrew/Rosa Cedrón

10. Chove en Santiago. Alberto Gambino/Federico García Lorca.

11. Pomba Dourada. Luis Emilio Batallán

12. Liméns. Miguel Alonso

13. Benditas Feridas. Rosa Cedrón

14. No seré yo. Rosa Cedrón

15. Camariñas. Tradicional

16. Lágrima. Carlos dos Santos/Amalia Rodrigues

 
 

Audición 382. Orquestra de Cámara Galega

Martes 15 de Marzo de 2016 ás 20:15 h.

Casa da Cultura Poeta Lois Pereiro

Orquestra de Cámara Galega

Foi fundada no ano 1995 por iniciativa de Rogelio Groba Otero, director - concertino, e Clara Groba, violonchelo principal e solista, e está integrada por músicos formados en diversos conservatorios europeos. O seu repertorio abrangue música do Barroco aos nosos días, incluída a difusión de compositores galegos con especial mención da obra do compositor Rogelio Groba Groba.

A OCGa ten actuado nas principais salas de concerto españolas (Madrid, Barcelona, Sevilla, etc) e internacionais (Viena, Nova York, Buenos Aires, etc), colaborando con solistas como Teresa Berganza, Ara Malikian, Rioka Masato, ou Yedam Kim, entre outros moitos.

Amais das súas gravacións en directo para TVE, TVG e Radio Clásica, a OCGa gravou tres CDs, entre eles a primeira gravación mundial da ópera Don Quijote, do compositor Manuel García, na Real Maestranza de Sevilla. Dende o verán de 2012 participa no ciclo “Os atardeceres do Gaiás”  en Santiago. A Orquestra mantén un calendario de colaboracións coas Sociedades Filharmónicas galegas de Ferrol, Lugo e Vigo, á vez que realizou un ciclo propio de tres concertos no Teatro Colón, A Coruña, durante a primavera de 2013.

Dende a sua primeira edición, A OCGa é a orquestra en residencia do Festival Groba en Ponteareas (España) tocando concertos cos diversos artistas de talla internacional.

Rogelio Groba Otero,  Director – Concertino

É Titulado Superior en Violín polo Conservatorio Superior de Música da Coruña, e en Música de Cámara polo Conservatorio Superior de Música de Oviedo, ampliando os seus estudos con Detlef Hann, profesor de a Guidhall School of Music and Drama de Londres.

En 1995, funda como director-concertino a Orquestra de Cámara Galega. En 2000, dirixe a gravación da súa propia obra “Divertimento para cordas”, incluída no primeiro CD desta formación, e en 2005 a gravación do segundo CD, dedicado integramente á obra do seu pai, Rogelio Groba Groba.

En maio de 2007 dirixiu a OCGa no Spanish Modern Festival de Viena, con grande éxito de público e crítica coa interpretación de obras de compositores galegos, e en agosto, realizou unha exitosa xira por Arxentina. No ano 2008 dirixiu a OCGa no seu debut en Nova York e en 2010 en Holanda; proseguiu no Auditorio 400 do Museo Reina Sofía (Madrid) e no Palau de la Música (Barcelona); en outubro de 2013, actuou no Palazzo Ducale de Genova.

Realizou gravacións para a Radio Galega, TVG, TV3, TVE e RNE, e amais de España, ten actuado en Portugal, Francia, Austria, Gran Bretaña, Arxentina, Chile, Uruguay, Colombia e Venezuela; foi director da Orquestra Sinfónica do Conservatorio de Música da Coruña. Ademais de director-concertino da Orquestra de Cámara Galega, é patrono da Fundación Rogelio Groba e do Festival Groba, e profesor no Conservatorio Superior de Música da Coruña.

Descargar programa de man en PDF

PROGRAMA

I

Overtura de Abdelazer                                                                   HENRY PURCELL                                                                    

Concerto para violín e cordas en Sol maior              GEORG PHILLIP TELEMAN                

I.-Allegro

II.-Andante

III.-Allegro e spirituoso

Cuarteto de cordas nº 3 K. 156/134 b           WOLFGANG AMADEUS MOZART            

I.-Presto

II.-Adagio

III.-Tempo di Minuetto

II

Sarabanda sobre un Tema de Haendel                                      ROGELIO GROBA                                       

Andante Festivo                                                                                  JEAN SIBELIUS                                                                                   

Sinfonía “La casa del diavolo”                                                   LUIGI BOCCHERINI                                                    

I.-Andante sostenuto, Allegro assai

II.-Andantino con moto

III.-Andante sostenuto, Allegro

Audición 381. Concerto de Violoncelo e Piano. Chantada

Sábado 2-1-2016
18:30 horas.
Auditorio de Chantada


Como nova experiencia e coa fin de espallar o noso labor, a Sociedad Filarmónica de Monforte de Lemos coa colaboración do Concello de Chantada, programa un

- Concerto de Viloncelo e Piano, o día 2 de Xaneiro ás 18:30 h. no Auditorio de Chantada.

Haberá autobús gratis con saída ás 17:30 das Casitas (Parque dos Condes), teráse que retirar o pase no establecemento Pleximar na Rua do Cardenal ata o día 30 de decembro (as prazas son limitadas).

Nestas sinaladas datas a Sociedad Filarmónica de Monforte de Lemos, deséxalle, Saúde.

SABELA VÁZQUEZ RAMOS, violoncelo

 

Comeza os seus estudos na súa cidade natal, Lugo, coa profesora Maika
Novoa. En 2011 accede ao Conservatorio Superior de Música de
Córdoba, continuando os seus estudos dous anos máis tarde no
Conservatorio Superior de Música de Vigo. Foi tamén alumna da Escola
de Altos Estudos Musicais de Galicia.
No 2013 queda finalista do primeiro concurso de USC-Soncello. Tocou
con diferentes agrupacións como Orquesta Filarmónica Cidade de
Pontevedra, Banda da Federación de Bandas Galegas e Joven
Filarmonía Leo Brouwer entre outras. Tamén actuou como solista en
agrupacións de música de cámara no Ciclo de Xóvenes Intérpretes
Teresa Berganza (Santiago de Compostela 2014, 2015).
Na actualidade continua os seus estudos de violoncelo na Hoogeschool
voor de Kunsten de Utrecht (Países Baixos) co profesor Ran Varon.

ANA FERNÁNDEZ GAYOSO, piano

 

Nace en Monforte de Lemos no 1993. Comeza os seus estudos
musicais no conservatorio do seu pobo. En 2011 accede ao
Conservatorio Superior de Vigo, onde estudia co profesor Nicasio
Gradaille e se gradúa en xuño do 2015.
Participa en clases maxistrais como o Bonporti Summer Piano_Lab en
Baselga di Pinè (Italia, 2014) cos profesores Rasa Jakutyte-Biveiniene
e Alexander Meinel. Toca como solista e en agrupacións de música de
cámara nos conservatorios galegos e no Ciclo de Xóvenes Intérpretes
Teresa Berganza (Santiago de Compostela 2014, 2015). En 2009
comeza os seus estudos de saxofón no Conservatorio Profesional de
Monforte co profesor Alberto Loureiro. Paralelamente á súa formación
musical, comeza o Grao de Tradución e Interpretación na Universidade
de Vigo en 2012.
Na actualidade continúa os seus estudos no Conservatorio de
Maastricht (Países Baixos) ca profesora Katia Veekmans e imparte
clases no Conservatorio de Monforte de Lemos.

PROGRAMA

I – piano

- J. HAYDN: Sonata en Mib Maior, HOB XVI 49, no 59
I. Allegro
II. Adagio e cantabile
III. Finale. Tempo di minuet
- J.S. BACH: Tocatta en mi menor BWV 914
- F. CHOPIN: Estudo en do# menor Op. 10 no 4

II – violoncelo e piano

- BACH-GOUNOD: Ave María
- P. I. TCHAIKOVSKY: Nocturno en re menor Op. 19 no 4
- G. FAURÉ: Après un rêve (Tras un soño)
- E. GRANADOS: Danza española no 5, Andaluza
- M. de FALLA: Suite popular española
* El paño moruno
* Nana
* Asturiana
* Seguidilla murciana

Fe de erratas. Concerto día 26

O concerto do vindeiro día 26 de decembro a cargo da Familia Moryatov está previsto apra as 18:30 horas en lugar do que inicialmente se informou a través do noso blog.

Disculpade o erro.