27 de xaneiro 2015
20:15 horas Casa da Cultura de Monforte
JORGE MANUEL FERREIRA BELLÓN (TROMPETA)
Inicia os seus estudos de solfexo no Conservatorio Profesional de Ferrol co profesor Gonzalo Sánchez, rematando o Grao Elemental no ano 1993-94 con Premio de Honra.
Máis tarde trasládese a Pontevedra para estudar co mestre Javier Viceiro, onde remata os estudos no Conservatorio Superior de Música de Vigo. Nesta época tamén recibe clases, consellos e asesoramento dos mestres José Rodríguez e Javier Simó.
Realizou cursos cos mestres: José Mª Ortí, Leopoldo Vidal, Fred Mills, Luur Metals, Antonio Cambres, Dominique Brunet, Enrique Rioja, Eric Aubier, Ángel Serrano, Javier Simó, Luis González Martí, Häkan Handerberger, Bo Nilsson e Maurice André.
No ano 2001 consegue a praza de fliscorno solista na Banda Ferrolá de Música á que pertencerá ata o 2005. Colaborou coma fliscorno principal coa Banda Sinfónica Musical de Madrid estando ao frente da mesma Enrique García Asensio, Orquesta Sinfónica de Puerto Rico, Orquestra Gaos onde traballou con Ramón Tebar y Gregory Kunde, quinteto de metais “Santa Cecilia” entre outros.
Impartiu clases na Escola de Música Concello de Ortigueira, Escola de Música Sementeira de Narón, CPMUS Ourense, Vigo, A Coruña e CSM Vigo.
Actualmente compaxina a labor de profesor de trompeta no CPMUS de Culleredo coa de profesor de Trompeta, Música de Cámara e Orquestra no CPMUS Vilagarcía de Arousa.
IAGO RÍOS (TROMBÓN)
Iago Ríos Martínez inicia os seus estudos musicais no Conservatorio de Música de A Coruña cos profesores Juan B. Bernat e Arturo Centelles. Obtén o Título Superior de trombón no ano 2006 coas máximas cualificacións. Durante dous anos recibiu clases de Jon Etterbeek na Escola de Altos Estudos Musicais de Galicia.
Entre o ano 2001 e 2004 forma parte da Orquestra Nova da Sinfónica de Galicia, sendo o seu profesor Petur Eirikson. Asiste a clases cos profesores: Alberto Urretxo, Francisco Rosario, Jay Friedman, Scott Hartmann, Stefan Schulz, Charles Vernon, Ingemar Roos e James Markey entre outros.
É colaborador habitual da Real Filharmonía de Galicia e foino tamén da Orquestra Sinfónica de Galicia, colaborando tamén con orquestras como a Sinfónica de Navarra e Orquesta de Castela e León. Durante a tempada 2006-2007 forma parte da Orquestra Sinfónica de Extremadura, como trombón coprincipal.
Desde o ano 2007 é Profesor Numerario dos conservatorios da Comunidade de Galicia, sendo actualmente profesor no Conservatorio Superior de música da Coruña.
MIGUEL VALLS (PIANO)
Comeza os seus estudios de piano aos 12 anos e con 15 anos ingresa no Conservatorio Profesional de Viveiro onde recibe clases de Eloísa Pérez Lage. Posteriormente trasladase a A Coruña e accede ao Conservatorio Profesional da Coruña, onde finaliza o Grao Profesional con Elena Segura, e ao mesmo tempo estuda coa pianista Anna Mirzoyan. Durante os catro anos seguintes estuda o Grao Superior de Música na Coruña con Rosa María García ao tempo que recibe consello de outros pianistas como Albert Attenelle, Domenico Codispoti, Levon Hovsepian, Robert Shugarov, María Rosa Oubiña de Castro, Sebastián Colombo, Javier Vázquez Grela, Sergei Yerokhin etc. No ano 2007 trasládase a Utrecht (Holanda) para estudiar co pianista americano Alan Weiss, recibindo tamén consello doutros músicos como Jeremy Chaulk e Elizabeth Perry. Dende o ano 2009 imparte clases en diferentes Conservatorios e Escolas de Música no ámbito da Comunidade Galega como o Conservatorio Profesional de Viveiro, o Conservatorio Profesional de Culleredo, o Conservatorio Mestre Ibáñez de Monforte de Lemos, a Escola Municipal da Pobra de Trives e por último a Escola Municipal de Foz onde imparte clases na actualidade.
No eido da actividade concertística, realizou concertos tanto como solista como en diversas formacións de música de cámara interpretando música clásica e tamén latin jazz. Actuou en diversas salas de concerto en Coruña, Santiago, Monforte de Lemos, Soria, León, Salamanca etc.
Programa do Concerto
- Sonata para trompeta e piano ( 1943 ) Jean Hubeau
- Sarabande
- Intermede
- Spiritual (tempo di blues)
-
Sonata para trombón e piano “Vox Gabrieli” ( 1973 ) Stjepan Sulek
- “
Bolívar” para trombón e piano (1954 ) Eric Cook
Pausa
- “
Somewhere” de West Side Story ( 1961 ) Leonard Bernstein
- “
Por una cabeza” ( 1935 ) Carlos Gardel
- “
Fandango” para trompeta, trombón e piano ( 1999 ) Joseph Turrin
Notas ao programa
O concerto está dedicado na súa primeira metade a obras do Século XX escritas para trompeta e piano, ou para trombón e piano.
A Sonata para trompeta e piano do compositor francés Jean Hubeu (1917-1992) é unha obra en 3 movementos na que o compositor mistura harmonías tradicionais con outras sonoridades máis modernas. No último movemento vemos como se reflicte a influencia do jazz e do blues con ese ritmo apuntillado, músicas traídas dos Estados Unidos e que estaban de moda na Francia dos anos 40 con músicos como Django Reinhardt e Stephane Grapelli que tocaban no Quinteto do Hot Club de Francia.
A sonata para trombón e piano do compositor croata Stjepan Sulek(1914-1986) é unha obra dun só movemento na que se utilizan distintas melodías que están estruturadas de forma que a obra sempre vai “in crescendo” ata a parte final na que se repite o tema do comezo, pero esta vez cun carácter moito máis dramático.
Para finalizar a primeira parte, os músicos interpretaran “Bolívar” de Eric Cook, obra de mediados do Século XX na que os ritmos folclóricos adquiren unha grande importancia, neste caso trátase do ritmo chamado Petenera no que se alternan os compases de 6/8 e 3/4.
Para comezar a segunda parte do concerto, seguiremos con música do Século XX , e neste caso arranxos do pianista Miguel Valls, cunha canción do musical “West Side Story” con música de Leonard Bernstein(1918-1990), na que se conta unha historia de amor ao estilo de Romeo e Julieta na Nova York dos anos 50.
A continuación, escoitaremos un tango do famoso cantante arxentino de orixe francés Carlos Gardel (1890-1935), na que sería unha das súas últimas composicións. “Por una cabeza”.
Para finalizar interpretarán Fandango de Joseph Turrin, obra de 1999 de carácter rítmico na que a trompeta e o trombón se van turnando nas súas aparicións, de xeito que ás veces da a impresión de que se queren interromper o un ao outro. A pesares do título da obra, o público non vai escoitar nada parecido a un fandango flamenco, de ritmo ternario e carácter vivo e no que xeralmente se escoita a chamada cadencia española, tan característica do flamenco.
