Audición 464: a clásica

Sábado 5 de setembro de 2026, 19:00 horas

Igrexa dos Escolapios

Orquestra clásica de Vigo

ORQUESTA CLÁSICA DE VIGO “a clásica”

A Orquesta Clásica de Vigo, decana de Galicia, naceu en 1984 da man do seu director titular e artístico Manuel Martínez Álvarez-Nava, configurando un proxecto que ofrece a súa programación anual na cidade de Vigo.

Nos 40 anos de historia da entidade, as obras interpretadas superan as 500, sendo isto un exemplo de aposta pola diversidade na música. Nos últimos anos realizou propostas de danza, cinema en directo, bandas sonoras, propostas actuais e obras consagradas.

Trátase dunha formación que aposta pola innovación, os novos formatos e o traballo entre disciplinas, espazos e estilos. Polos seus atrís pasaron máis de 650 instrumentistas de toda Galicia e do Norte de Portugal, con máis de 140 solistas. A Orquestra Clásica de Vigo non entende de estilos ou etiquetas na súa programación, que se acolle como unha oportunidade para explorar a riqueza do patrimonio musical e atraer a públicos distintos aos da música clásica tradicional.

 

DANIEL SANMARTÍN NIETO director e clavecinista

Nado en Pontevedra, Daniel completa as ensinanzas profesionais de música en Percusión e Piano e, no Conservatorio Superior de Música de Vigo, obtén os títulos superiores en Etnomusicoloxía e Musicoloxía Histórica baixo a titoría de Javier Jurado, coas máximas cualificacións e premio extraordinario fin de estudos. No Conservatorio Santa Cecilia de Roma acada cum laude os diplomas de segundo ciclo en Disciplinas Históricas, Críticas e Analíticas da Música —baixo a supervisión de Cecilia Campa—, en Cravo e Teclados Históricos —como discípulo de Enrico Baiano— e en Órgano e Composición Organística —baixo a guía de Alberto Pavoni—, completando a súa formación co estudo da Dirección.

No ámbito académico, colaborou como relator con entidades como a Pontificia Universidade Lateranense, o Conservatorio de Roma, o Museo de Arte Contemporánea de Vigo, a Fundación G. P. da Palestrina ou a asociación Nuova Consonanza. Así mesmo, ten desempeñado diversas funcións editoriais en máis de trinta publicacións de carácter musical e musicolóxico.

Cun interese artístico que se estende da música antiga ata a creación contemporánea interdisciplinar, ten ofrecido concertos como solista ao cravo, fortepiano e órgano en institucións como o Museo Nacional de Instrumentos Musicais de Roma, a sala académica do conservatorio da mesma cidade, a Fundación Varrone de Rieti, o Festival Internacional de Percusión de Almería, o festival Un organo per Roma ou o festival Híbridas de Santa Clara en Pontevedra —co acompañamento da Orquesta Clásica de Vigo—.

Colaborador habitual da Clásica, exerce como vicedirector artístico do festival organístico 8pés desde a súa primeira edición, do ano 2021.

 

 

 

TEMPO DE DANZA

Tradicións e transformacións musicais baixo o reinado de Luís XV

 

      Este programa evoca o dobre universo que marcou a Francia posterior ao Grand Siècle : dun lado, a Arcadia bucólica, cos seus praceres pastorís e danzas idílicas; doutro, o esplendor da corte, reflexo dunha orde xerárquica que exalta a través do simbolismo pastoril a figura dun rei taumaturgo. Así, a lira, emblema da música e da natureza idealizada, atópase co cetro, símbolo do poder real, nun diálogo sonoro onde o pastoril e o rexio se funden na linguaxe refinada do tardobarroco francés.

A danza, que fora elevada a linguaxe política e social na corte de Luís XIV de Francia, o Rei Sol, mantense e transfórmase progresivamente durante o reinado do seu bisneto e sucesor, Luís XV, contexto no que se sitúan as obras deste programa. Esta manifestación artística continúa a funcionar como código compartido entre o ámbito cortesán e o teatro, contribuíndo a establecer un imaxinario idílico no que o mundo pastoril preséntase como proxección idealizada da propia orde social, integrando natureza e poder nun mesmo marco simbólico. As diferentes pezas recollidas neste concerto constitúen o vocabulario desta tradición, cuxa estabilidade formal non impide unha evolución significativa na súa escritura musical.

 

 

PROGRAMA

 

I.- Jean-Féry Rebel (1666-1747)

Les Plaisirs champêtres

1.- Musette-Gavotte-Musette                                                      2.- Chaconne

3.- Passepied                                                  4.- Bourrée-Rigaudon-Bourrée

 

II.- Mademoiselle Duval (ca. 1718-post 1775)

Les Génies, ou Les caractères de l’Amour

(suite para orquestra da ópera-ballet)

1.- Ouverture    2.- Premier et deuxième menuet    3.- Air pour les Génies    4.- Ritournelle    5.- Marche    6.- Ritournelle    7.- Air    8.- Prélude gai, sans vitesse    9.- Premier et deuxième passepied    10.- Passacaille    11.- Sarabande    12.- Premier et deuxième tambourin    13.- Ritournelle    14.- Rondeau

 

III.- Jean-Philippe Rameau (1683-1764)

Castor et Pollux (suite para orquestra da traxedia lírica)

1.- Ouverture    2.- Air pour les Athlètes    3.- Premier et deuxième tambourin    4.- Menuet    5.- Première et deuxième gavotte vive pour  un génie qui préside aux constellations    6.- Air très gai    7.- Premier et deuxième passepied    8.- Chaconne pour les Génies

 

                                                                         Texto: Daniel Sanmartín Nieto

Audición 463: Caspervek. Cine-concerto en O Saviñao

 24 de agosto de 2026, Auditorio de Escairón, 20:00 horas

Ciclo de cine-concerto na contorna: O Saviñao.

V Festa da Vendima. Patrocinado polo Concello de O Saviñao

Grupo Caspervek 

 

CASPERVEK
Comezos.
Caspervek Trío fundouse en 2013 polo pianista Brais González e o percusionista Blas Castañer. A súa primeira actuación foi en xaneiro de 2014, interpretando unha partitura orixinal e improvisada para o Nosferatu de F. W. Murnau. Un mes máis tarde, o violinista Eduards Vecbastiks uniuse ao dúo e comezaron a escribir novas bandas sonoras para as obras mestras do expresionismo alemán. Nos seus primeiros catro meses de actividade, a banda estreou catro bandas sonoras. A prensa local especializada definiu este debut como "a gran sorpresa de 2014".

Primeiros anos
O trío alcanzou rapidamente certo recoñecemento local, tocando nalgúns dos principais festivais da rexión como o Via Stellae ou o Festival Sinsal. Un ano máis tarde, Caspervek faría a súa primeira xira europea. Unha viaxe que lles levou a actuar nunha ducia de países do continente, estreando cinco novas bandas sonoras e actuando en importantes escenarios como o Museo Nacional de Estonia, o Auditorio Baltais Fligelis de Letonia ou a Galería FLUX de Budapest. Nos anos seguintes, Caspervek seguiría actuando noutros importantes escenarios europeos como a Lytgen Station de Copenhague, o GORS de Rezekne ou o Kalnciema Kvartals de Riga. En 2015 e 2016, Caspervek formou parte da programación de The Urban Beach Cinema, un dos maiores cinemas ao aire libre de España, onde ofreceu máis de dez películas mudas ante miles de persoas. O 26 de outubro de 2016 fixo o seu primeiro cine-concerto para a Sociedad Filarmónica de Monforte de Lemos.

Anos intermedios
En 2016, unha nova violinista, Raquel Fernández, uniuse á formación, mentres que Eduards trasladouse a Alemaña. Durante estes anos, o grupo acentuou o seu interese nos concertos didácticos, traballando estreitamente con festivais de cinema e institucións académicas para desenvolver programas específicos que achegasen o cinema mudo e o patrimonio cinematográfico aos nenos. Como resultado deste traballo, o grupo ofreceu concertos educativos no Auditorio de Galicia (Santiago de Compostela), o Teatro Afundación (Vigo), ou o Centro Cultural Záhrada en Banska-Bystrica (Eslovaquia), así como en ducias de escolas e colexios de toda España.

Novos camiños
En 2019 o grupo decide afastarse da súa formación como trío para evolucionar cara a un ensamble modular segundo as necesidades de cada película. Esta nova etapa comeza coa estrea do proxecto máis ambicioso da historia de Caspervek: unha épica representación da paixón de Juana de Arco de C. T. Dreyer cun coro de 24 cantantes e un conxunto de 12 músicos que se estrea en maio de 2019 ante un cheo total en Vigo, en Monforte representouse o 18 de novembro de 2022. Desde entón, a filosofía de Caspervek e facilitar a incorporación de novos músicos á banda. Así mesmo desde 2019, Caspervek acorda con Tolemias, pioneira na distribución de concertos en streaming, sendo este o primeiro proxecto que integra o cinema mudo coas novas tecnoloxías multiángulo.

O NAVEGANTE

 

O filme

Rollo Treadway, un mozo absurdamente rico e mequeiro, decide de forma impulsiva propoñerlle matrimonio á súa veciña, Betsy O'Brien. Sen perder tempo, envía ao seu mordomo para reservar un cruceiro de lúa de mel con destino a Honolulu. Pero cando Betsy rexeita a súa proposta repentina, Rollo decide emprender a viaxe de todos os xeitos. Esa mesma noite, por un erro coa sinalización do peirao, sobe ao barco equivocado: o Navigator, que acaba de ser vendido polo pai de Betsy a un país estranxeiro... e en conflito. Por azares do destino, Betsy tamén termina a bordo, e a parella deberá sobrevivir xuntos —e sós— á deriva no medio do océano, sen tripulación, sen habilidades náuticas… e rodeados de trampas cómicas.
O contraste entre os refinados modais de Rollo e as esixencias mecánicas do barco xera algúns dos momentos máis hilarantes do cinema mudo: desde intentos torpes de cociñar ata loitas por acender unha estufa de carbón ou manipular ferramentas náuticas. A comedia desprázase do interior do barco a escenas submarinas, e culmina cunha secuencia de mergullo absolutamente innovadora para a súa época, que marcou un fito no uso de equipos acuáticos no cinema.
The Navigator é unha das películas máis exitosas e orixinais de Buster Keaton, e tamén, das máis ambiciosas desde o punto de vista técnico. A súa premisa combina o slapstick máis físico cunha elegante crítica social: dous privilexiados incapaces de valerse por si mesmos, obrigados a enfrontarse á realidade sen criados, comodidades nin terra firme.
A orixe de The Navigator foi case accidental: o escenógrafo Fred Gabourie descubriu o antigo transporte militar USAT Buford nun estaleiro de San Francisco. Keaton viu o seu potencial e convenceu ao seu produtor Joseph Schenck de alugalo por 25.000 dólares, con tripulación incluída. O barco foi rebautizado como The Navigator, e máis de 60 persoas traballaron durante 10 semanas a bordo, incluíndo a mariñeiros reais encargados de operar a embarcación.
A película foi o maior éxito comercial de Keaton, e hoxe considéraselle unha das súas obras máis redondas en termos de ritmo, humor visual e exploración temática. A súa idea do home moderno perdido entre máquinas que non comprende —tema recorrente en Keaton— alcanza aquí a súa máxima expresión.
En 2018, a Biblioteca do Congreso de EE. UU. seleccionou The Navigator para a súa conservación no National Film Registry, pola súa importancia cultural, histórica e estética.

A banda sonora

“The Navigator” permitiu a Brais González combinar na súa partitura os elementos tradicionais presentes nas súas composicións para comedias de humor con outros elementos musicais, como cancións mariñeiras, música tribal e música de películas de aventuras dos anos 50.

NOTAS: As escenas submarinas, revolucionarias para a época, inclúen equipos de mergullo reais e foron filmadas con gran dificultade técnica. A película foi analizada como unha sátira sobre a dependencia moderna da tecnoloxía, un tema que décadas despois exploraría o cinema de Chaplin ou Jacques Tati.                           

Texto CASPERVEK

 

Audición 462: Banda Filarmónica de Lugo

Domingo 28 de xuño de 2026, 19:00 horas

Igrexa dos Escolapios.

 

 

BANDA FILARMÓNICA DE LUGO

A Banda Filarmónica de Lugo foi creada no ano 2013 por iniciativa do seu director, Iván Martínez Sabio, xunto con outros músicos da cidade, co apoio da Sociedad Filarmónica de Lugo e do Conservatorio Profesional Xoán Montes.
Ao longo destes anos desenvolveu unha programación anual estable na cidade de Lugo, combinándoa con actuacións en diversas localidades de España e Portugal. A banda contou coa colaboración de mestres convidados como José Rafael PascualVilaplana, José Alberto Pina, Javier Viceiro ou Pablo Marqués.
A asociación integra tamén unha Banda Infantil e un Coro de Nenos, e no ano 2026 retomou o seu Obradoiro Musical de verán destinado á formación de rapaces e rapazas.
Na actualidade, a súa sede atópase nas instalacións da Casa de Exercicios, espazo cedido xenerosamente polo Obispado de Lugo

 

IVÁN MARTÍNEZ SABIO      Director

Iván Martínez Sabio nace en Ortigueira (A Coruña) no ano 1981. Inicia os seus estudos musicais de clarinete e piano no seo da Banda-Escola da súa vila e na academia Maruxa Lema. Realiza os estudos profesionais no Conservatorio de Viveiro, onde traballa con F. Javier Vidal Suárez (clarinete) e Eloísa Pérez Lage (piano).
Posteriormente    contnúa    a súa formación   no   Conservatorio Superior da Coruña con Carlos Casadó (clarinete) e Natalia Lamas, Elena Segura e Ana Poghosian (piano).
Máis adiante cursa un máster en interpretación e análise na Universidade de Oviedo, baixo a tutela de Javier Balaguer (clarinete) e Ramón Sobrino (análise), ao tempo que amplía a súa formación en dirección musical con José Rafael Pascual-Vilaplana.
Ao longo da súa traxectoria participou en cursos e clases maxistrais con destacados intérpretes e directores, desenvolvendo unha intensa actividade concertística tanto como clarinetista solista coma director en distintos países.
Desde o ano 2009 é profesor de clarinete no Conservatorio Profesional de Lugo e dirixe, desde a súa fundación, a Banda Filarmónica de Lugo. En 2021 publicou a revisión para banda da obra Fantasía sobre Aires

 

PROGRAMA

SONS DE IDA E VOLTA:

 Propoñemos unha viaxe musical a través de diferentes tradicións do ámbito galego, español e hispanoamericano, nas que a música de banda actúa como punto de encontro e de intercambio cultural.
Baixo o

viaxe musical a través de diferentes tradicións do ámbito galego, español e hispanoamericano, nas que a música de banda actúa como punto de encontro e de intercambio cultural.

Baixo o fío condutor da danza e do carácter popular, as obras seleccionadas percorren paisaxes sonoras diversas: desde a enerxía festiva da música galega, pasando pola elegancia melódica do pasodobre español, ata a forza rítmica e expresiva das danzas latinoamericanas.

Un diálogo entre estilos, épocas e territorios que reflicte a riqueza dun patrimonio musical compartido, sempre en movemento entre ambas beiras do Atlántico.

  I.- Festa na Tolda – Gustavo Freire

II.- Suspiros de España – Antonio Álvarez

III.- Danzón nº2 – Arturo Márquez / arr. O. Nickel

IV.- O Conde de Lemos – Carlos Diéguez

V.- Alborada Galega – Pascual Veiga / arr. X. L. Represas

VI.- Danzas Cubanas – Robert Sheldon

 

 Texto: Iván Martínez Sabio

Audición 461: Orfeón Terra A Nosa

Igrexa Nosa Sra. da Antigua (PP Escolapios),

24-05-2026 ás 19:00 horas

ORFEÓN TERRA A NOSA

O Orfeón Terra a Nosa foi fundado en 1966 por Manuel Feijóo OFM (1926-92), quen ocupou a dirección ata 1984, sucedido por Miro Moreira (1984-2021) e Mateo Iglesias (2021-23), tendo na actualidade a Luís Martínez como responsable artístico.
En 1992 recibiu o Premio da Crítica Galega en recoñecemento á súa rigorosa carreira musical. En 1994 o Concello de Santiago de Compostela outorgoulle a Medalla de Prata ao Mérito Artístico. Entre os galardóns obtidos destacan os primeiros premios de polifonía (1974, 1980) no Festival de Torrevieja.
O Orfeón colabora na interpretación do repertorio sinfónico coral e ópera con orquestras como a Xoven Orquestra de Galicia, Orquesta Sinfónica de Galicia, Real Filharmonía de Galicia, Orquesta Sinfónica de Castilla y León, Collegium Musicum Prague, Orquesta Sinfónica de Brno, Le Baroque Nomade, Orquesta Clásica de Vigo… entre outras, baixo a batuta de mestres da talla de Alberto Zedda, Edmon Colomer, Víctor Pablo Pérez, Paul Daniel, Antoni Ros Marbá, Massimo Spadano, William Lacey, Jacques Kantorow, Maximino Zumalave, Joam Trillo, Oliver Von Dohnanyi, Lorenzo Ramos, Jesús López Cobos, Kemal Kahn, Jean Cristophe Frisch ou Michel Piquemal.
Ademais de ter actuado por toda a Península Ibérica, presentouse en festivais internacionais en Francia, Alemaña, Inglaterra, Italia, Holanda, Bélxica, Portugal, O Vaticano, Polonia, Arxentina, Chile, Uruguai, Colombia, Venezuela e Estados Unidos (New York, e Washington).
Realizou numerosas gravacións, entre as que destacan Música tradicional galega (CBS),  Misa solemne Unus Deus e Requiem de Melchor López (BOA) ou a participación na integral de Joaquín Rodrigo (EMI Classics).
O Orfeón, no seu empeño de difundir e poñer en valor a música galega, protagonizou moitas recuperacións e estreas: Misa ao Apóstolo Santiago, Te Deum, Magnificat e Misa de Requiem (Juan Montes), Channanea (Joam Trillo), Stabat Mater (Buono Chiodi), e composicións diversas de José de Vaquedano, Santiago Tafall, Ramón Palacio, Millán Picouto, Marcos Mato ou Paulino Pereiro. Coa RFG participou nas estreas absolutas de Tempos Velados (2016) de Abe Rábade, a ópera A Amnesia de Clio (2019) de Fernando Buíde, e da Misa en honor ao Apóstolo Santiago (2022) de Marco Frisina, dirixida polo propio autor.
En novembro de 2025 presentou a 1ª gravación de la integral dos motetes de Marcial del Adalid (1826-1881), como preámbulo da celebración do bicentenario do nacemento do autor coruñés.

ORQUESTRA TERRA A NOSA

Este conxunto instrumental, creado no seo do Orfeón Terra a Nosa está formado por intérpretes profesionais, na súa maior parte vencellados ao Conservatorio Profesional de Música de Santiago de Compostela. A agrupación constitúese con vontade de permanencia e como parte dun proxecto colectivo de expresión social, musical e cultural. Presentouse en 2025 en Cambados, Vigo e Santiago interpretando o Requiem KV626 (W. A Mozart) e o Magnificat en Dom (G. B. Martini).
A coordinadora da orquestra é Xusa Hervás, profesora de violonchelo no CMUS de Santiago de Compostela.
 

 

PROGRAMA

I.- Niccolò Zingarelli (1752-1837)

CHRISTUS FACTUS EST
QUANDO GESÚ COLL’ ULTIMO LAMENTO

II.- Saverio Mercadante (1795-1870)

LE SETTE ULTIME PAROLE DI NOSTRO SIGNORE SULLA CROCE

1.- Introduzione (coro e solistas)
2.- Parola prima (soprano)
3.- Parola seconda (coro)
4.- Parola terza (tenor e barítono)
5.- Parola quarta (coro)
6.- Parola quinta (tenor)
7.- Parola sexta (barítono e coro)
8.- Parola settima (coro e solistas)

III.- Juan Crisóstomo de Arriaga (1806-1826)

O SALUTARIS HOSTIA

IV.- Giacomo Puccini (1858-1924)

REQUIEM SC76

V.- Gaetano Donizetti  (1797-1848)

TUNC ACCEPTABIS A703  

ORFEÓN TERRA A NOSA

Sopranos, Aida López, Ana Melikhova                              
Tenor, David Ferreiro
Barítono, Pablo Nieves

ORQUESTRA DE CÁMARA TERRA A NOSA

Volíns   Roberto Santamarina (concertino), Blanca Bello, Olga Alexandovskaya, Elena Felpeto
Violas   Sara Franco, Itsaso Bermejo, Oscar Tomé
Violonchelos  Xusa Hervás, Araceli Castro             
Contrabaixo  Juan Cañada
Órgano  Juan Manuel Varela

Audición 460: dúo de chelo e piano

17 de abril de 2026, ás 20:15 horas

Casa da Cultura Poeta Lois Pereiro

DÚO de CHELO E PIANO

 

Patrocina Consorcio da Ribeira Sacra

HARUNA TAKENE, PIANO

A pianista xaponesa Haruna Takebe graduouse na universidade Toho Gakuen de Tokio, ampliou estudos na Universidade das Artes de Berlín e obtivo o grao Master no Conservatorium van Amsterdam.
Na súa actividade profesional destacan as actuacións como solista xunto a orquestras como a Orquestra Sinfónica de Berlín, a Takamatsu Symphony Orchestra ou a Real Filharmonía de Galicia coa que protagonizou a estrea en España do concerto Lotus under the moonlight de Toshio Hosokawa. O selo STH Quality Classics publicou un disco con interpretacións de Scarlatti, Schubert, Liszt e Debussy.
En 2007 incorporouse á Elisabeth University of Music de Hiroshima como Catedrática de Piano e foi principal profesora convidada en varias institucións para facer seguemento de novos talentos ata o 2009, cando se traslada a Santiago de Compostela onde traballa para a Escola de Altos Estudos Musicais.
En España convertiuse nunha asidua dos seus escenarios tanto con recitales de piano solo como con diversas formacións de cámara como Artemis Ensemble, Airas Ensemble ou Vertixe Sonora. Coas dúas últimas agrupacións gravou sendos discos (CD Airas Ensemble; Columna Musica — 2017; e monográfico Víctor Ibarra con Vertixe Sonora para o selo NEOS — 2019).

THOMAS PIEL, CHELO

Nacido en Colonia (Alemania) en 1974, comeza os seus estudios musicais ós 6 anos no conservatorio da súa cidade natal (Rheinische Musikschule) onde ademáis de clases de violoncello coa profesora Susanne Bohn-Schulze, recibe clases de piano. En 1994 obten o primeiro premio na competición nacional da República Federal de Alemania “A Xuventude fai Música” na disciplina de Música de Cámara. En 1995 continúa os seus estudios de violoncello no Conservatorio Superior de Música de Essen (Folkwang-Musikhochschule) co profesor Christoph Richter obtendo o seu título profesional coas máximas calificacións.
Entre os anos 1995 a 2000 perfecciona os seus estudios en varios cursos cos profesores Gerhard Mantel, Siegfried Palm, Thomas Demenga, Ksenia Jankovic, Marcio Carneiro, Yvan Chiffoleau e Mstislav Rostropowitsch. Simultaneamente estudia música de cámara e realiza cursos de especialización cos profesores Andreas Reiner, Diemuth Poppen, Denes Zsigmondy, Vassily Lobanov e Dimitry  Ferschman. A súa experiencia en orquestas é moi amplia.
Foi membro da Orquesta da Xuventude de Colonia (1990-94); da Orquesta Xuvenil de Nordrhein Westfalen (1993-94); da Orquesta Sinfónica do Exército da Rep. Federal Alemana; da Orquesta do Conservatorio Superior de Essen e da Orquesta de Cámara de Gütersloh, onde foi solista de violoncello (1995-2001).
Participou tamén no Ensemble Resonanz, orquesta de Cámara da Filarmonía Xoven Alemana, dando numerosos concertos con directores e solistas de reputación internacional (1997-2000) e foi membro, no ano 2000, da Academia de Verán da Radio de Bavaria dirixida por Mstislav Rostropowitsch.
Así mesmo, é cofundador e membro do Ensemble eMex, agrupación de cámara de música contemporánea.  Desde 2001 é violoncelista na Real Filarmonía de Galicia en Santiago de Compostela.

 

PROGRAMA

1.- Luigi Boccherini / Enrico Mainardi
        I.- Largo e Allegro para violoncello y piano



2.- Enrico Mainardi
         I.- Due canzoni in ritmo di danza para violoncello y piano
         II.- Notturno para violoncello y piano
         III.- Noveletta para violoncello y piano
         IV.- Ballata e Serenata para violoncelo y piano

 

Audición 459: Trío Caronium

 25 de marzo de 2026, 20:15 horas

Casa da cultura poeta Los Pereiro.

TRÍO CARONIUM (Violín, Chelo e Piano)

 

É un grupo de cámara formado por David Veiga Martínez (violín), Isabel Font Belmonte (violonchelo) e Javier Ares Espiño (piano) que nace no ano 2015. Entre os seus obxectivos está a posta en valor do patrimonio musical galego e nesa liña de traballo destaca a súa presentación no Paraninfo da Universidade de Santiago de Compostela, onde interpretou a integral dos tríos de Eduardo Rodríguez-Losada, nun concerto que foi gravado por Radio Galega. David Veiga e Isabel Font son docentes no Conservatorio Profesional de Música da Coruña e Javier Ares no Conservatorio Superior de Música da Coruña.

Neste programa profundan nesa liña de recuperación de patrimonio musical galego coa interpretación dunha obra do compositor coruñés Marcial del Adalid, do que se celebra este ano o bicentenario do nacemento, e que foi reconstruida e rematada polo compositor Juan Durán. O Trío para violín, violonchelo e piano de Marcial del Adalid foi estreado o 17 de marzo de 2026 na Real Academia Galegas de Belas Artes no “Ciclo de conferencias e concertos Bicentenario Marcial del Adalid (1826-1881). Martes das Artes 2026”.

Complétase o programa cunha obra de referencia no repertorio camerístico para esta formación: o Trío para violín, violonchelo e piano de Tchaikovsky. A obra foi creada entre os anos 1881 e 1882, está adicada ao seu amigo Nikolái Rubinstein, e leva como subtítulo “á memoria dun gran artista”. Nikolái falecera no ano 1881 e Tchaikovsky decidiu crear unha xigantesca homenaxe musical articulada en dous grandes bloques: unha peza elexíaca e un tema con variacións.

David Veiga Martínez

Nacido na Coruña, realizou os seus estudos musicais no Conservatorio da súa cidade, onde se formou con destacados profesores e violinistas, ampliando posteriormente a súa preparación na Escola de Altos Estudos Musicais de Galicia. Tras obter o título superior de violín e música de cámara coas máximas cualificacións, continuou o seu perfeccionamento en Madrid con recoñecidos mestres, como Ara Malikian, Eusebio Ibarra ou Manuel Guillén, e cursos especializados en análises, música de cámara, práctica orquestral e violín. Colaborou con diversas orquestras e conxuntos, é membro do Cuarteto Antares e de Gallaecia Antiqva e desenvolve tamén unha labor pedagóxico e de divulgación musical. Actualmente é profesor no Conservatorio Profesional de Música da Coruña.

Isabel Font Belmonte

Natural de Palencia, realizou os seus estudos profesionais de violonchelo no Conservatorio da súa cidade, formándose con diversas profesoras e ampliando a súa preparación con María de Macedo. Continuou os seus estudos superiores en Salamanca e na ESMUC, onde os finalizou brillantemente e recibiu formación en música de cámara do Cuarteto Casals. Obtivo premios e distincións en certames como o Vila de Salou e o concurso Vila de Ponts. Perfeccionou a súa formación en Santiago de Compostela e en numerosos cursos con recoñecidos mestres, como Bárbara Switalska ou Asier Polo. Desenvolve unha intensa actividade camerística, especialmente co Trío Antares, e actualmente é profesora no Conservatorio Profesional de Música da Coruña.

Javier Ares Espiño

Doutor pola USC e Catedrático de piano no Conservatorio Superior de Música de A Coruña. Comezou os seus estudos no Conservatorio de Betanzos, continuando no Conservatorio Superior de Música de A Coruña baixo a dirección de Natalia Lamas. Posteriormente ampliou os seus estudos no Centro Superior de Ensinanza Musical Katarina Gurska recibindo clases dos pianistas Alexander Kandelaki e Nino Kereselidze. Desenvolve unha ampla actividade como solista, destacando as súas actuacións coa Real Filharmonía de Galicia, Orquesta Sinfónica de Ponferrada, Banda Municipal de Música de A Coruña ou Banda Municipal de Música de Santiago, e como integrante de grupos de cámara en diversas formacións. É membro da Irmandade da Música Galega e do Grupo de Investigación Organistrum da USC, co que participou en varios proxectos I+D+i.

PROGRAMA

1.- Marcial del Adalid (1826-1881):
Trío para violín, violonchelo e piano, Op. 36        
(Reconstruida e finalizada por  Juan Durán, 2025)
    
    I.- Moderato
 

2.- Pyotr Ilych Tchaikovsky (1840-1893):Trío en la menor, Op. 50

I.- Pezzo Elegiaco

II.-  a) Tema con variazioni. Andante con moto

Var I
Var II: Più mosso
Var III: Allegro moderato
Var IV: L'istesso tempo
Var V: L'istesso tempo
Var VI: Tempo di ValseVar VII: Allegro moderado
Var VIII: Fuga. Allegro moderato
Var IX: Andante flebile, ma non tanto
Var X: Tempo di Mazurka
Var XI: Moderato

  b) Variazione finale e coda. Allegro risoluto e con fuoco

  Coda: Andante con moto – Lugubre. L'istesso tempo

Audición 458: Cine Concerto - Sober

 II CICLO de CINE – CONCERTO na CONTORNA - SOBER

 

 Domingo 15-03-2026 ás 19:00 horas, CENTRO SOCIO CULTURAL de Sober

 

CASPERVEK

Comezos

Caspervek Trío fundouse en 2013 polo pianista Brais González e o percusionista Blas Castañer. A súa primeira actuación foi en xaneiro de 2014, interpretando unha partitura orixinal e improvisada para o Nosferatu de F. W. Murnau. Un mes máis tarde, o violinista Eduards Vecbastiks uniuse ao dúo e xuntos, os tres novos músicos comezaron a escribir novas bandas sonoras para as obras mestras do expresionismo alemán. Nos seus primeiros catro meses de actividade, a banda estreou catro bandas sonoras. A prensa local especializada definiu este debut como "a gran sorpresa de 2014".

Primeiros anos

O trío alcanzou rapidamente certo recoñecemento local, tocando nalgúns dos principais festivais da rexión como o Via Stellae ou o Festival Sinsal. Un ano máis tarde, Caspervek faría a súa primeira xira europea. Unha viaxe que lles levou a actuar nunha ducia de países do continente, estreando cinco novas bandas sonoras e actuando en importantes escenarios como o Museo Nacional de Estonia, o Auditorio Baltais Fligelis de Letonia ou a Galería FLUX de Budapest. Nos anos seguintes, Caspervek seguiría actuando noutros importantes escenarios europeos como a Lytgen Station de Copenhague, o GORS de Rezekne ou o Kalnciema Kvartals de Riga. En 2015 e 2016, Caspervek formou parte da programación de The Urban Beach Cinema, un dos maiores cinemas ao aire libre de España, onde ofreceu máis de dez películas mudas ante miles de persoas.

Anos intermedios

En 2016, unha nova violinista, Raquel Fernández, uniuse á formación, mentres que Eduards trasladouse a Alemaña para desenvolver unha carreira como violinista de orquestra. Durante estes anos, o grupo acentuou o seu interese nos concertos didácticos, traballando estreitamente con festivais de cinema e institucións académicas para desenvolver programas específicos que achegasen o cinema mudo e o patrimonio cinematográfico aos nenos. Como resultado deste traballo, o grupo ofreceu concertos educativos no Auditorio de Galicia (Santiago de Compostela), o Teatro Afundación (Vigo), ou o Centro Cultural Záhrada en Banska-Bystrica (Eslovaquia), así como en ducias de escolas e colexios de toda España. O 26 de outubro de 2016 fixo o seu primeiro cine-concerto para a Sociedad Filarmónica de Monforte de Lemos.

Novos camiños

En 2019 o grupo decide afastarse gradualmente da súa formación orixinal como trío para empezar a incluír novos elementos e evolucionar cara a un ensamble modular no que os diferentes compoñentes entran segundo as necesidades de cada película. Esta nova etapa comeza coa estrea do proxecto máis ambicioso da historia de Caspervek: unha épica representación da paixón de Juana de Arco de C. T. Dreyer cun coro de 24 cantantes e un conxunto de 12 músicos que se estrea en maio de 2019 ante un cheo total en Vigo, en Monforte representouse o 18 de novembro de 2022. Desde entón, a filosofía de Caspervek sempre foi promover e fomentar o talento local, facilitando a incorporación de novas figuras da música clásica á banda. Así mesmo, en 2019, Caspervek chega a un acordo coa plataforma española Tolemias, pioneira na distribución de concertos en streaming, para producir unha serie de concertos gravados en 4K cun innovador sistema que permite ao espectador elixir diferentes opcións para ver o concerto e a película. Este é o primeiro proxecto que integra o cinema mudo coas novas tecnoloxías multiángulo.

O HEROE DO RÍO

O filme

O capitán William "Steamboat Bill" Canfield é o orgulloso dono dun vello barco de vapor que coñeceu tempos mellores. Coa chegada do seu fillo, a quen non ve desde que era un bebé, espera atopar un aliado forte e robusto que lle axude a competir co luxoso barco do magnate John James King. Pero as súas expectativas derrúbanse cando o seu fillo aparece en escena: delgado, torpe, con bigote de lapis, boina francesa e un ukelele debaixo do brazo. Aínda por riba, o mozo está namorado de Kitty, a filla do seu maior rival. E os dous pais farán todo o posible por separar á parella.
A escena na que cae unha fachada, que se rodou sin efectos especiais nin dobres, na que o propio Keaton xugouse literalmente a vida é a secuencia máis espectacular da súa filmografía.

A banda sonora

Como outras bandas sonoras escritas por Brais González para as películas de Buster Keaton, a música de Caspervek para Steamboat Bill Jr. baséase nos sons do swing, o Dixieland e o jazz vintage. Á versión orixinal para violín, piano e percusión seguiulle unha segunda versión con clarinete, estreada no Festival IKFEM de 2020.