André Cebrián, frauta
Bleuenn Le Friec, arpa
O dúo de frauta e arpa Finisterrae nace en 2008 na Hochschule für
Musik Detmold, en Alemaña, onde André e Bleuenn completan os seus
estudos superiores. A súa formación musical lévalles a estudar nos
conservatorios de Santiago de Compostela, Salamanca, San Sebastíán,
París e Frankfurt cos profesores máis prestixiosos do panorama musical
actual. Ámbolos dous forman parte da JONDE (Joven Orquesta Nacional de
España), da GMJO (Gustav Mahler Jugendorchester) e do Natalia Ensemble o
que lles da a oportunidade de tocar nas salas de concertos europeas
máis importantes (Musikverein de Viena, Royal Albert Hall de Londres,
Teatro San Carlo de Nápoles, Concertgebouw de Ámsterdam ou Tonnhalle de
Zúrich). O dúo ten participado en diferentes festivais en Francia,
Alemaña e España (Via Stellae, Portos Xacobeos, Festival de Segovia,
Música en Compostela). En 2010 foron seleccionados polo INJUVE para
realizar numerosos concertos por toda España e en 2011 foron invitados
ao programa de radio "Música Joven" de RNE2, emisora na que pódense
escoitar frecuentemente as súas gravacións. Recentemente o Dúo
Finisterrae coa colaboración do clarinetista Angelo Montanaro e baixo a
dirección escénica de Ana Vallés, ven de presentar o seu novo
espectáculo músico-teatral "Outra noite na Ópera" que pronto poderase
disfrutar nos diferentes escenarios de todo o país.
André Cebrián, frauta
Nado en Santiago de Compostela, realiza os seus estudos nos
conservatorios de Salamanca, Detmold e Xenebra cos profesores Pablo
Sagredo, János Bálint e Jacque Zoon. É invitado regularmente como
solista de frauta na Orquestra Sinfónica de Castela e León e na
Orquestra Sinfónica Cidade de Barcelona e Nacional de Cataluña; asimesmo
colabora coa Orchestra Mozart, a Staatskapelle Dresden, a Nacional do
Porto, a Filharmónica de Gran Canaria, a Real Filharmonía de Galicia, a
Sinfónica de Galicia ou o Plural Ensemble. Pertenceu á Gustav Mahler
Jugendorchester durante cinco anos así como á Jonde ou á Britten-Pears.
Actou como solista xunto á Orquestra Sinfónica de Galicia, a Orquestra
Sinfónica de Castela e León, a Orquestra Gaos, a Orquestra da Academia
de Música de Cracovia, a Orquestra Sinfónica de Zabrze e a Orquestra de
Cámara Gallega. Impartiu cursos e masterclasses en diferentes
conservatorios e orquestras de España e Sudamérica. Na actualidade é
Catedrático de frauta do Conservatorio Superior de Música de Zaragoza.
Bleuenn Le Friec, arpa
Natural de Bretaña, aos seis anos comeza a tocar o arpa celta. No ano 2003, licénciase en Musicoloxía e comeza o estudo da arpa clásica. En 2004 inicia a carreria de arpa en Musikene (San Sebastián) con Frédérique Cambreling. Completa a súa formación nos conservatorios de Detmold e Frankfurt con Godelieve Schrama e Françoise Friederich. Foi integrante da JONDE, da Gustav Mahler Jugendorchester e da Verbier Festival Orchestra. Foi membro da Lucerne Festival Academy, coa que realizou xiras polos EEUU e Xapón. En 2009 foi seleccionada para tocar Répons de Pierre Boulez baixo a dirección do propio compositor. De 2011 a 2013 foi arpa solista da Neubrandenburger Philharmonie. Actualmente, combina a súa actividade de profesora de arpa na Escola Municipal de Música de Santiago de Compostela con frecuentes colaboracións con orquestras do panorama musical europeo (Orquestra Sinfónica de Castela e León, Real Filharmonía de Galicia, Gran Teatro do Liceu, Ópera de Frankfurt) así como de diferentes agrupacións de música contemporánea (Ensemble Intercontemporain, Ensemble Interface).
Programa:
Johann Sebastian Bach (1685-1750)
Sonata en Sol menor BWV 1020
Allegro
Adagio
Allegro
Claude Debussy (1862-1918)
Clair de Lune
Pablo Sarasate (1844-1908)
Romanza andaluza
Manuel de Falla (1876-1946)
Nana
Celso Machado (1953)
Músicas populares brasileñas
Paçoca
Quebra Queixo
Piazza Vittorio
....................................................
Claude Debussy (1862-1918)
Beau Soir
Reynaldo Hahn (1870-1909)
A Chloris
Edvard Grieg (1843-1907)
La Primavera
Ruggero Leoncavallo (1857-1919)
Mattinata
Zdeněk Jonák (1917-1995)
Mim
Astor Piazzolla (1921-1992)
Historia del Tango
Café 1930
Bordel 1900
No hay comentarios:
Publicar un comentario